´ I WON A PRIZE ´ : HELGI OGRI

Ég lít ekki svo stórt á mig að ég ætti von á að hreppa verðlaunin í ljósmyndasamkeppni sem ég tók þátt í sem Artisti og hét ´ Where Fashion meets Art ´. Þó má alltaf láta sig dreyma og einhverju sinni sem ég lágtekjumaðurinn var staddur í húsgagnaverslun sem sérhæfir sig í Ítalskri hönnunn að skoða hægindastóla  óskaði ég þess með sjálfum mér að ég yrði svo lánsamur til að hreppa vinningsupphæðina til að geta keypt slíkan stól . Það var rússneskur listamaður sem hirti á endanum verðlaunin , sem ég þykist þekkja til hvaðan kemur en það er frá hópi í St. Pétursborg sem ég hefi kynnt hér í blogginu og kallst P-10 . Voru þar að sjá andlit og höfuðlag Lenín og Trotsky sem í uppstillingum tískufyrirsæta . Heldur fannst mér það innvígt og hugsaði með sjálfum mér ; veit einhver í Bandaríkjunum hver Trotsky er ?  En viti nú menn , fyrir skömmu fæ ég bréf frá Danmörku um að mér beri að fá greitt uppsafnaðann lífeyrissjóð sem var nákvæmlega sú upphæð sem verðlaunin í þessarri samkeppni hljóðuðu uppá . Svo nú sit ég bráðum einsog fínn maður yfir afþreyingu minni, í Ítölskum hágæða leðurstól .