Lifandi sýning KEES VISSER í BERG contemporary gallerí

KEES VISSER er myndlistarmaður sem kemur upphaflega hingað frá Hollandi . Þar hafði hann tekið upp vintygi við íslenska konu í myndlistarnámi og getið með henni buru sem er ástæðan fyrir því að hann hefur jafnframt á listferli sínum verið virkur og starfandi á Íslandi og skipað sér í röð fremstu myndlistarmanna . Ég minnist þess að hafa heimsótt þessi hjú , konan hét Rúna ; á ferð minni um Amsterdam fyrir orðið mörgum árum en aðspurður segir Kees mér að uppruni hanns liggi í Alsír . Listamaðurinn sver sig nokkuð í anda við naumhyggjuna með næsta eintóna litaflötum en skilur sig rétt aðeins frá þeim fyrir að fletir hans eru organiskir , hann leggur sig ekki fram að litaflöturinn sé beinn og reglulegur heldur óreglulega dreginn . Þá er áberandi að litirnir eru fullir af lífi sem mæta þér í björtum tóni og áferðin gjarna líkt og sendinn eða kristölluð . Kees spilar sterklega fram bláum litatóni og verður að teljast einstaklega ágæt myndröð hans af mismunandi blæbrigðum blás . Þetta held ég teljist listsýning í hærri staðli þess sem borið er fram í menningarlífi Reykjavíkurbæjar .