MEÐ BEIN Í NEFINU : Sir Henning Pold

Ég hefi hér skýrt frá góðvini mínum í Kaupmannahöfn sem er þekktur tónlistarmaður þar í landi og rakið sögu hans af íslensku föðurkyni í forföður . Dvaldi hann hér á Íslandi á árunum 2010 til 2013 og hafði viðkomu á síðan komandi árum og var þá með okkur vinskapur kær . Mér hefur tekist að rekja föðurættir hans til galdramanna á Ströndum og Vestfjarða þar sem ég gat séð að hann hafði til að bera kynngi til augna og sjónar en ekki vildi betur til en svo að íslensk læknastétt tók til við að greina galdramátt hans sem sjónvillu og hafa komið á hann gleraugum . Ekki eru nú vitsmunirnir og viskan mikil . Móðurætt mín er að vestan frá Örlygshöfn við Patreksfjörð sem amma mín Sigrún Eiríksdóttir var systir Helgi Hermann Eiríksson sem var bankastjóri Iðnaðarbankans sem var og hét og einn stofnandi Iðnskólans sem nú kallast Tækniskólinn og átti húsið að Sóleyjargötu 3  . Voru þessi systkyni há vexti með mikil framstæð nef sem ég hefi síðan skilgreint sem vestfirsk nef . Var það eitt karakter einkenni í útliti þessa vinar míns að hann hafði myndarlegt nef sem heillaði mig við okkar fund og felldi ég ástir til hans og tókust með okkur kærleikar en ég hafði þekkt hann frá því fyrir mörgum árum í Kaupmannahöfn þar sem hann bjó á Islands Brygge : en ég seinna þóttist þekkja þarna með honum vestfirskt útitseinkenni . Varð þessi vinskapur mér hin mesta heilli og lít á sem mína lífsins gjöf og gæfu en þar náði ég að risa uppúr nöturlegri lífssögu .  Það kallast stundum að vera með bein í nefinu að eiga ákveðin og framtakssöm skapgerðareinkenni en það mætti segja að hjá honum fari saman vestfirskur uppruni í föðurkyni og danskt hertogakyn frá Fjóni við Óðinsvé í móðurkyn en kann kalst með réttu nafni Sir Henning Pold . Hér sjáum við mynd af honum fyrir miðju við útgáfu bókar um feril danska trúbadorsins Kim Larsen árið 2019 en Pold spilaði undir á bassa í hljómsveit hans .