Gefandi að starfa á vegum RAUÐI KROSSINN Íslandi

Árið 1995 gaf ég mig Helgi Ögri fram við Rauða Krossinn um að starfa sem sjálfboðaliði til að hjálpa flóttamönnum . Varð ég liðsmaður flóttamanns frá Kúrdistan sem á orðið fjölskyldu sína hér og hefur verið í starfi en hann hefur menntun sem verkfræðingur . Var það einstaklega ánægjuleg viðvera sem ég mátti læra af honum um siði og menningu þjóðar hans , en ein frum forsenda þess að vinna með flóttamönnum er að þekkja og virða þeirra forsendur ekki síst trúarlegar . Seinna var ég um að hjálpa pilti sem foreldrar hans voru flóttamenn frá Kosovo og var það að sama akapi ánægjuleg viðkynning en reyndi nokkuð á því hann átti erfitt uppdráttar með íslenskri þjóð . Fyrir fimm árum gerðist ég sjálfboðaliði við afgreiðslustörf í verslun á vegum fataverkefnis Rauða Kross sem selur endurnýtanlegan fatnað og muni til fjáröflunar . Hefur það verið einstaklega gefandi og reynslan af starfi með flóttamönnum komið sér vel því þar þjónustum við gjarnann þann hóp og hælisleitendur auk almennra viðskiftavina . Það er góð tilfinning að vera þáttakandi í að gefa eitthvað af sér .