Ljósmyndari af Snjall-símakynslóðinni í RAMSKRAM galleríi

Ár hvert tekur RAMSKRAM galleríið á Grettisgötu að sér að setja upp sýningar útskriftanemenda Ljósmyndaskólans ( upphaflega ljósmyndaskóli Sissu )og kallar UPPRENNANDI . Að þessu sinni opnaði nokkuð nýstárleg sýning þann 1. desember sem stendur út sunnudaginn en það er Hjördís Jónsdóttir sem sýnir listrænar myndir sem allar eru teknar á Snjallsíma . Segir í umsögn sýningarinnar að símar séu orðin fullkominn tækni sem skili góðum ljósmyndum og í stað þess að berjast á móti breytingum tekur galleríið framþróuninni opnum örmum . Myndirnar virtust þó nokkuð á sveimi ; voru ekki alveg í kyrrstöðu og hreyfingin gerði það af sér að ljósmyndirnar voru ekki allar skarpar . Eitthvað af myndunum voru selfies af listakonunni , nokkuð skemmtilgar þar sem hún feyktist líkt og Fóa feykirófa . Þá voru kyrralífsmyndir sem komið var fyrir í loftinu og áhorfandinn skoðaði með þartilgerðum speglagleraugum og voru þær hinar fallegustu . Áhugaverð frumraun hjá Ljósmyndaskólanum . - [ Mynd sem fylgir er af gömlu tækninni eftir Martine Franck fréttaljósmyndara á sjötta áratugnum ]