INGÓLFUR ÖRN ARNARSON myndlistarmaður opnar sýningu á jarðhæð Hafnarhúss

Næstkomandi laugardag þann 3. nóvember kl. 16.00 opnar í Listasafni Reykjavíkur Hafnarhúsi sýning Ingólfs Arnar Arnarsonar myndlistarmanns sem hann kýs að nefna eftir salarkynnunum JARÐHÆÐ . Eftir nám í MHÍ laggði Ingólfur stund á nám í Maastricht Hollandi . Debut hans nokkrum árum eftir heimkomu var í miðsal Kjarvalsstaða og þar varð ljóst að þar fór listamaður sem hafði til að bera einstaka næmni . Líkt og búast má við í sýningu hans núna voru þar vegg relief sem vöktu mesta athygli mína fyrir að lýsa litrófi listamannsins sjálfs . Seinna tók hann að vinna af mikilli natni fíngerðar teikningar sem voru líkt og ofinn vefur og endurtók hann í sífellu myndina og fyllti með í tómarúmi sýningarsala . Var honum meðal annars boðið af bandaríska listamanninum Donald Judd til að hafa uppi myndir í sýningarými á hans vegum er kallast Chinati Foundation . Að þessu sinni kveðst hann leggja útfrá aðstæðum sem rými á jarðhæð Hafnarhúss hefur uppá að bjóða ; miklar steinsteyptar súlur og stórir gluggar og vonast með því til að vekja upplifun og skynhrif skoðandans .